ჯანდაცვის მსოფლიო ორგანიზაციის დირექტორის, ტედროს ადანომ გებრეისუსის თქმით, პანდემიის დასრულებამდე ჯერ ძალიან შორია და უარესი ჯერ კიდევ წინ არის. განცხადება ტედროს ადანომ გებრეისუსმა, დღეს გამართულ პრესკონფერენციაზე გააკეთა.

„ჩვენ ყველას გვსურს, რომ ეს დასრულდეს. ჩვენ ყველას გვინდა, ჩვეულ ცხოვრებას დავუბრუნდეთ. მაგრამ მძიმე რეალობა ისაა, რომ დასრულებამდე ჯერ კიდევ ძალიან შორია. მიუხედავად იმისა, რომ ბევრ ქვეყენაში პროგრესი არის, გლობალურად პანდემია მაინც ძალას იკრებს“, – განაცხადა ჯანდაცვის მსოფლიო ორგანიზაციის დირექტორმა.