ცნობილი ამერიკელი ტელეწამყვანი, რეჯის ფილბინი 88 წლის ასაკში გარდაიცვალა, - ამის შესახებ BBC წერს.

ფილბინმა სატელევიზიო კარიერა 1950-იან წლებში დაიწყო და პოპულარობა თოქ-შოუმ „Live! with Regis-მა“ მოუტანა.

2011 წელს ფილბინმა განაცხადა, რომ სატელევიზიო კარიერას ასრულებდა და პენსიაზე გადიოდა.

ტელეწამყვანის გარდაცვალებას აშშ-ის პრეზიდენტი, დონალდ ტრამპიც გამოეხმაურა და მას სატელევიზიო ისტორიის ერთ-ერთი დიადი პერსონა უწოდა.

„ის არაჩვეულებრივი ადამიანი და ჩემი მეგობარი იყო. რეჯის, ჩვენ გვიყვარხარ“ - წერს აშშ-ის პრეზიდენტი.

რეჯის ფილბინმა 2004 წელს გინესის რეკორდი დაამყარა და სატელევიზიო კამერების წინ 16,746.50 საათი გაატარა.