NDI-ს ახალი კვლევის თანახმად, გამოკითხულთა 10% მიიჩნევს, რომ კორონავირუსის გავრცელება 5G ინტერნეტ ტექნოლოგიას უკავშირდება.

საპირისპირო პოზიციას აფიქსირებს გამოკითხულთა 45%, რომელიც ამბობს, რომ 5G-ს კორონავირუსის გავრცელებასთან კავშირი არ აქვს.

კვლევის თანახმად, იმას, რომ 5G კორონავირუსის გავრცელებას არ უკავშირდება, თბილისში გამოკითხულთა 58% ეთანხმება, სხვა ქალაქებში 47%, ხოლო სოფლებში – 32%.

კვლევა 26-30 ივნისის პერიოდში საქართველოს მასშტაბით 1 550 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა. საშუალო ცდომილების ზღვარი შეადგენს +/- 2 პროცენტს.