-
+
12 აგვისტო. 2020. 22:45
შეკვეთილის დენდროლოგიური პარკის ადმინისტრაცია იმ წესებს ავრცელებს, რომლითაც პარკში უნდა ისარგებლოთ.
ტყე-პარკის ტერიტორიაზე არ არის დაშვებული გარემოს დაბინძურება ნებისმიერი გზით, მათ შორის – მოწევით.
- გთხოვთ, პარკში ყოფნისას თავი შეიკავოთ ხმაურისგანაც.
- დაცული ტერიტორიების წესების შესაბამისად, არ არის დაშვებული პარკის ტერიტორიაზე ცურვა და, ასევე, ბალახის საფარზე სიარული.
- დენდროლოგიური პარკის წესებს ეწინააღმდეგება ტერიტორიაზე გადაადგილება ნებისმიერი ორთვლიანი ტრანსპორტით, სკეიტბორდითა თუ გორგოლაჭებით.
- გთხოვთ, თავი შეიკავოთ სხვა სპორტული აქტივობებისგანაც.
- დაუშვებელია დრონის აფრენა, მეხამრიდთან მიახლოება.
- შინაური ცხოველები დაიშვებიან ალიკაპითა და საბმელით.
- ასევე, არ არის დაშვებული ცხოველთა და ფრინველთა კვება.
- მშობლებს ვთხოვთ, ნუ გაუშვებენ ბავშვებს ხიდზე მეთვალყურეობის გარეშე.
- გამომდინარე იქიდან რომ პარკი 19:00 საათზე იკეტება და ტერიტორიის დათვალიერებას ერთ საათზე მეტი სჭირდება, პარკში შესვლა რეკომენდირებულია 18:00 საათამდე, 18:30 საათზე კი სტუმრების შესვლა შეწყდება.
გაითვალისწინეთ ისიც, რომ ტერიტორიაზე არ არის განთავსებული საკვები ობიექტები. სასმელი წყლის საჭიროებისას კი, სპეციალური ფანტანები დაგხვდებათ.