სოციალური ქსელის მომხმარებელი, ეკა ოსაძე  სვანეთში არსებულ მდგომარეობაზე წერს და ვიდეოკადრებს ავრცელებს.

“მესტიიდან მარშუტკების კოლონით, დამღლელი მგზავრობის შემდეგ, სოფელ ხაიშთან შევჩერდით. ჩვენ ძირითადად სვანეთში უმანქანოდ ჩასული სტუმრები ვიყავით, გოგოები მცირეწლოვანი ბავშვებით. სანამ სავალდებულო პროცედურებს გვიტარებდნენ ექიმები – სიცხეს გვიზომავდნენ და მონაცემებს ავსებდნენ, პოლიციამ ჩვენი ნივთები, ასე უსიტყვოდ გადაიტანა და დააბინავა ავტობუსებში.

წყალტუბოსკენ მიმავალი ავტობუსიდან ვწერ ამ სტატუსს…

რაც წამოვედით სულ ვფიქრობ, მათაც ჰყავთ ალბათ შვილები, ცოლები, დედები, ოჯახები – რომლებიც შორს ჰყავთ და ვინ იცის როგორ ენატრებათ…” – წერს სოციალური ქსელის ერთერთი მომხმარებელი.