აშშ-ის ღია პირველობის შემდეგ, პროფესიონალ ჩოგბურთელთა ასოციაციამ (ATP) ახალი რეიტინგი გამოაქვეყნა. კლასიფიკაციაში ვარდნა განაგრძო ქართველმა ჩოგბურთელმა ნიკოლოზ ბასილაშვილმა. ამჯერად, ის ორი საფეხურით დაქვეითდა, TOP-30 დატოვა და მსოფლიოს 32-ე ჩოგანი გახდა.
შეგახსენებთ, რომ ბასილაშვილმა კორონავირუსით გამოწვეული პაუზის შემდეგ სამ ტურნირში მიიღო მონაწილეობა, სამივეში პირველი წრიდან გამოეთიშა ბრძოლას თან ისე, რომ არც ერთი სეტი არ მოუგია.
რაც შეეხება ტოპ-ათეულს, იქ ერთი ცვლილება მოხდა – მე-10 და მე-11 ადგილები გაცვალეს ბელგიელმა დავიდ გოფენმა და ესპანელმა რობერტო ბაუტისტა აგუტმა.
1(1). ჯოკოვიჩი (სერ) – 10 860
2(2). ნადალი (ესპ) – 9 850
3(3). ტიმი (ავსტრია) – 9 125
4(4). ფედერერი (შვეიც) – 6 630
5(5). მედვედევი (რუს) – 5 890
6(6). ციციპასი (საბ) – 5 175
7(7). ა. ზვერევი (გერ) – 4 650
8(8). ბერეტინი (იტა) – 2 940
9(9). მონფილსი (საფ) – 2 860
10(11). ბაუტისტა აგუტი (ესპ) – 2 620