საქართველოში COVID-19-ს კიდევ ერთი პაციენტი ემსხვერპლა. კორონავირუსით გარდაცვლილ პაციენტთა რაოდენობა 32-მდე გაიზარდა. ინფორმაცია ამის შესახებ ვებგვერდზე stopcov.ge-ზე განახლდა.
ბოლო 24 საათის განმავლობაში ეს ქვეყანაში კოვიდ-ინფიცირებულის გარდაცვალების მეოთხე შემთხვევაა.
ამ დროისთვის ქვეყანაში კორონავირუსის 5 552 შემთხვევაა დადასტურებული, გამოჯანმრთელებულია 2 054 ადამიანი. უცხოეთიდან სამკურნალოდ გადმოყვანილ იქნა საქართველოს 41 მოქალაქე.