logo_geo
„ცხედრები დაანაწევრეს და კვალის დასაფარად სხვადასხვა ურნებში ჩაყარეს“ – ათენში ქართველი დედა-შვილის მკვლელობისთვის ბრალდებულები დააკავეს
- +

18 ოქტომბერი. 2020. 00:01

 

 

ათენში დააკავეს პაკისტანის მოქალაქეები, რომლებმაც 13 წლის წინ, ათენში, პეტრალონაში, ქართველი დედა-შვილი სასტიკად მოკლეს და ცხედრები დაანაწევრეს. ამის შესახებ ინფორმაციას Georgian.ge ავრცელებს.

 

 

 

 

როგორ ათენში მცხოვრები ქართველი ემიგრანტი ჰყვება, 21 წლის ანი და მისი დედა, პაკისტანელი მამაკაცის კაფე-ბარში იყვნენ დასაქმებულები. გოგონა მოლარედ, დედა კი მენეჯერად მუშაობდა.

 

 

„ერთ-ერთ სამუშაო დღეს ანი კაფეში არ მივიდა, შემდეგ მის დედას დაურეკეს და უთხრეს, რომ ანის პრობლემა ჰქონდა და ისიც, ცხადია, მაშინვე წავიდა მის დასახმარებლად. ამის შემდეგ არცერთი აღარავის უნახავს.“ – ამბობს ემიგრანტი.

 

 

მისივე განცხადებით, პოლიციამ დიდი ხნის განმავლობაში იცოდა, სავარაუდო დამნაშავეების შესახებ, თუმცა საქმის გახსნას 13 წელი დასჭირდა.

 

 

„მოკლული ქალის და ხელს თავიდანვე ადებდა პაკისტანელს და აცხადებდა, რომ ის იყო დედა-შვილის გაუჩინარების საქმეში გარეული, თუმცა, გამოძიება ამ კუთხით, როგორც ჩანს, არ წასულა.“ – ამბობს ემიგრანტი.

 

 

ემიგრანტის ცნობით, პაკისტანელ მამაკაცსა და ქართველ ქალს შორის კონფლიქტი ფულის გამო მოხდა.

 

 

პაკისტანელებმა პეტრალონაში მდებარე ბინაში 21 წლის ანი და მისი დედა 2007 წელს მოკლეს, ხოლო შემდეგ ცხედრები დაანაწევრეს და კვალის დასაფარად სხვადასხვა ურნებში ჩაყარეს. ბრალდებულის განმარტებით, მკვლელობა მსხვერპლთა მხრიდან შანტაჟის გამო ჩაიდინა, თუმცა, ფაქტი ოფიციალურად არ დასტურდება.

 

 

 

წყარო : wyaro
big_banner
არქივი