„ცხინვალის ოკუპირებულ რეგიონში შაბათ-კვირის განმავლობაში კორონავირუსის 61 ახალი შემთხვევა გამოვლინდა“, - ამის შესახებ ინფორმაციას სააგენტო „რესი“ ე.წ. მთავარ სანიტარულ ექიმ მარინა კოჩიევაზე დაყრდნობით ავრცელებს.
კოჩიევას თქმით, გასული 2 დღის განმავლობაში კორონავირუსზე ტესტი 93 ადამიანს ჩაუტარდა და აქედან ვირუსი 61-ს დაუდასტურდა.
„სექტემბრის შუა რიცხვებიდან დღემდე 1 282 ადამიანი დაინფიცირდა, აქედან 172 პაციენტი გამოჯანმრთელდა,“- განაცხადა კოჩიევამ.
მისივე თქმით, პანდემიის დაწყებიდან დღემდე რეგიონში კოვიდ 19-ს 20 ადამიანი ემსხვერპლა.