„თენგიზ ცერცვაძის ჯანმრთელობის მდგომარეობა სტაბილურია”, - ამის შესახებ „იმედის კვირაში“ ჩართვისას ცერცვაძის ექიმმა, ალექსანდრე გოგინავამ განაცხადა.

მისივე თქმით, ამ ეტაპზე თენგიზ ცერცვაძის ინფიცირების წყარო უცნობია. გოგინავამ ასევე განაცხადა, რომ ცერცვაძეს სიმპტომური მკურნალობა უტარდება.

„აქვს ორმხრივი პნევმონია. ასევე, ფონური დაავადება, ჰოჯკინის ლიმფომა და მასთან ასოცირებული იმუნოდეფიციტი, თუმცა ამ ეტაპზე მდგომარეობა რჩება სტაბილური, საჭიროებს მუდმივ მონიტორინგის გაგრძელებას სტაციონარში“, - განაცხადა გოგინავამ.