ქუთაისში კლინიკა „ბომონდის” კოვიდ-ცენტრში ბოლო 24 საათის განმავლობაში ხუთი ჩვილი დაიბადა. „ბომონდის“ კოვიდ-ცენტრის მეან-გინეკოლოგის, გიორგი სხილაძის ინფორმაციით, ჩვილები კოვიდ-ცენტრის სამეანო-გინეკოლოგიურ განყოფილებაში მოთავსებულმა ინფიცირებულმა ორსულებმა გააჩინეს.
განყოფილებაში ექვსი ორსულისა და მელოგინის გამოჯანმრთელებას ელოდებიან. იმ შემთხვევაში, თუ მათთვის ჩატარებული ლაბორატორიული კვლევა ვირუსის არსებობას არ დაადასტურებს, ორსულები და მელოგინეები კოვიდ-ცენტრს დატოვებენ.
„ხუთი სამეანო შემთხვევა გვქონდა და ყველა შემთხვევა კარგად დასრულდა. ამ დროისთვის კოვიდ-ცენტრში მკურნალობის კურსს 40 ორსული გადის. მათი ჯანმრთელობის ზოგადი მდგომარეობა დამაკმაყოფილებელია“, – განაცხადა გიორგი სხილაძემ.
|
პარტნიორები ქარტია ფოტო არქივი |
ბმულები რეკლამა კონტაქტი |
All rights reserved Property of Qartuliazri.ge |
|
