დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე ამბობს, რომ მომდევნო დღეებში კოვიდ- ინფიცირების შემთხვევათა ზრდა არის მოსალოდნელი.
"ჩვენ ჯერ შემთხვევათა რიცხვის შემცირებაზე არ ვფიქრობთ. ვფიქრობთ იმაზე, რომ ზრდა არ იყოს. უახლოეს დღეებში კიდევ ზრდა არის მოსალოდნელი. ვფიქრობთ, რომ ორი კვირის შემდეგ როგორმე მოვახერხოთ სიტუაციის დასტაბილურება, რომ მატება არ იყოს. 4000 კი არა, 6000 და 8000, რომ არ იყოს დღეში ამისათვის არის ეს აკრძალვები“, - განაცხადა პაატა იმნაძემ.