„გამარჯობა უკრაინა, მე ვარ ტელეწამყვანი მიხეილ სააკაშვილი", - ამ სიტყვებით მიმართა მაყურებელს ოდესის ყოფილმა გუბერნატორმა და საქართველოს ექსპრეზიდენტმა მიხეილ სააკაშილმა გადაცემა „სხვა უკრაინა", რომელიც ტელეარხ „Zik"-ზე 5 აპრილს დაიწყო.

„ერთი წლის წინ, მინისტრმა ავაკოვმა მთავრობის სხდომაზე, პრეზიდენტის თანდასწრებით მითხრა, რომ წავთრეულიყავი უკრაინიდან. მე მართლაც წავედი იმ უკრაინიდან, წამოვედი სხვა უკრაინაში იმიტომ, რომ უკრაინელი ვარ და წამოვედი უბრალო ხალხთან! ვნახე რით და როგორ ცხოვრობს ნორმალური ხალხი, რასაც, პრაქტიკულად, არავინ აშუქებს. გადავწყვიტეთ, რომ ეს ყველაფერი თქვენ გაგაცნოთ", - განაცხადა სააკაშვილმა.