ოკუპირებული აფხაზეთის ე.წ. ჯანდაცვის სამინისტროს ინფორმაციით, გასული დღე-ღამის განმავლობაში კორონავირუსი 133 ადამიანს დაუდასტურდა.
ოკუპირებულ რეგიონში არსებულ ექვს კოვიდცენტრში 216 კოვიდ-ინფიცირებული პაციენტი მკურნალობს, მათგან 22 პაციენტის მდგომარეობა მძიმეა.
ჯამში, პანდემიის პერიოდში აფხაზეთში კორონავირუსით ინფიცირების 9 182 შემთხვევაა დაფიქსირებული. გარდაიცვალა 129 ადამიანი; გამოჯანმრთელდა 7 027 ინფიცირებული.