logo_geo
ნუგზარ კვაშალი: ექიმები გვეუბნებიან, რომ თემურ წიკლაურის მდგომარეობა სტაბილურად მძიმეა - სიცოცხლის ნაპერწკალი იყო და ამის იმედი გვაქვს
- +

22 იანვარი. 2021. 11:15

 

მომღერალ თემურ წიკლაურის ჯანმრთელობის მდგომარეობა კვლავ სტაბილურად მძიმე რჩება. სააგენტო „ინტერპრესნიუსთან“ მომღერალმა ნუგზარ კვაშალმა განაცხადა, რომ თემურ წიკლაურის ჯანმრთელობის მდგომარეობის შესახებ დეტალური ინფორმაცია 10 დღეში იქნება ცნობილი.

 

„10 დღის განმავლობაში ახალს ვერაფერს ვიტყვით. ექიმები გვეუბნებიან, რომ მოვითმინოთ, სტაბილურად მძიმეა. კონსილიუმი თითქმის კვირაში სამჯერ იმართება. დრო სჭირდება, გვითხრეს, რომ 10 დღეში ყველაფერს დეტალურად მოგვახსენებენ. რაღაც სიცოცხლის ნაპერწკალი იყო, მაგის იმედი გვაქვს, მაგრამ ბოლომდე ველოდებით ექიმების დასკვნას“, - აცხადებს ნუგზარ კვაშალი.

 

შეგახსენებთ, ცნობილი ქართველი მომღერალი თემურ წიკლაური თავდაცვის სამინისტროს გორის სამხედრო ჰოსპიტალშია მოთავსებული. თემურ წიკლაურს კორონავირუსი დაუდასტურდა, მდგომარეობის გართულების შემდეგ კი, ის სტაციონარში გადაიყვანეს.

 

https://www.interpressnews.ge/ka/article/638447-nugzar-kvashali-ekimebi-gveubnebian-rom-temur-ciklauris-mdgomareoba-stabilurad-mzimea-sicocxlis-naperckali-iqo-da-amis-imedi-gvakvs

 

 

big_banner
არქივი