მომღერალმა ნანი ბრეგვაძემ „იბერიას" ეთერში იმ მდგომარეობის შესახებ ისაუბრა, რომელიც თბილისშია შექმნილი.
„ისეთი გაურკვევლობაა ქალაქში, ნამდვილი ჯუნგლებია, ჯუნგლებში ვართ, წარმოუდგენელი სახლებია, ლამაზი მაინც იყოს. ერთმანეთზეა მიყუდებული, ჰაერი ისედაც არ არის... რას ჰქვია, მომწონს. რომელ შენობას მიჩვენებთ, რომელზეც ვიტყვი, რომ არაჩვეულებრივი მშენებლობა და არქიტექტურაა?! მე მგონია, რომ ეს ქვეყანა, ქალაქი არავის უყვარს. ვინც აშენებს, თუ მისმენენ, ბოდიშს მოვუხდი, მაგრამ ეს მშენებლობა კი არა, დანგრევაა. ანგრევენ ამ ულამაზეს ქალაქს. საერთოდ, წინ უნდა წავიდეთ ყველაფერში და მშენებლობებიც უნდა იყოს, მაგრამ ეს რაღაც საგიჟეთია, ნამდვილი საგიჟეთი", - განაცხადა ნანი ბრეგვაძემ.