სინოპტიკოსების პროგნოზით, თბილისში წვიმა მთელი ღამე გაგრძელდება. ამის შესახებ "ინტერპრესნიუსს" გარემოს ეროვნული სააგენტოს მოკლევადიანი პროგნოზების სამართველოს უფროსმა დოდო გვაზავამ განუცხადა. მისი თქმით, თბილისში ხვალ დღის მეორე ნახევრიდან გამოიდარებს.
„მთელი ღამის განმავლობაში ხანმოკლე ხასიათის წვიმა იქნება. 12 ივნისი უმეტესად უნალექო ამინდია მოსალოდნელი და 13 ივნისს შესაძლოა იყოს მცირე ნალექი. 14 ივნისს კი მოსალოდნელია არამდგრადი ამინდები საქართველოში", - განაცხადა დოდო გვაზავამ.