თბილისის სააპელაციო სასამართლომ  „ბირჟა მაფიას" წევრებს  გიორგი ქებურიას და მიხეილ მგალობლიშვილს აღკვეთი ღონისძიება - პატიმრობა გირაოთი შუცვალა

მგალობლიშვილს 50-ათასლარიანი გირაო დაეკისრა, ხოლო ქებურიას 20ათასლარიანი.

„ნარკოტიკული საშუალება არ გვქონია, არც არავის ჩაუდია, თვალითაც არ გვინახავს, არ მომხდარა ფიზიკურად ჩვენს ჯიბეში ნარკოტიკის ჩადება,  უბრალოდ, მოხდა გაფორმება საბუთებში.

ვაღიარე იმიტომ, რომ ჩემზე იყო ფსიქოლოგიური ზეწოლა სამართალდამცავების მხრიდან. მათი სახელი და გვარი არ ვიცი, რადგან თავი არავის წარუდგენია. მაგრამ, ვფიქრობ, რომ შემიძლია მათი ამოცნობა", - ამის შესახებ გიორგი ქებურიამ თბილისის სააპელაციო სასამართლოში, გათავისუფლების შემდეგ განაცხადა.