logo_geo
ირაკლი მაქაცარია სალომე ჭაჭუას: ბედნიერი ვარ, რომ შენნაირი ადამიანი გაჩნდა ჩემს ცხოვრებაში!
- +

8 ივლისი. 2017. 21:09


 

ირაკლი მაქაცარია პროექტ „ცეკვავენ ვარსკვლავების" დასრულების შემდეგ სოციალურ ქსელში შემდეგი სახის პოსტს აქვყნებს:


 

„ჩემო უსაყვარლესებო!

 

პირველ რიგში მინდა ბახუტას და ჯულიანას მივულოცო გუშინდელი გამარჯვება, ისინი მთელი სეზონის მანძილზე ნამდვილად დაუღალავად შრომობდნენ და ენერგიას არ იშურებდნენ იმისთვის, რომ მაყურებლისთვის მიენიჭებინათ ის სიამოვნება, რასაც სცენაზე წარმოადგენდნენ! თქვენ ნამდვილად ღირსეული მეთოქეები იყავით ჩვენთვის.

 

მინდა, სათითაოდ თითოელ თქვენთაგანს უსაზღვრო პატივისცემა, სითბო და სიყვარული გამოგიხატოთ იმ შეგრძნებებისთვის, იმ ენით აღუწერელი ემოციისთვის, რასაც თქვენგან ვგრძნობდით. როგორ განიცდიდით თითოეულ ჩვენს ნაბიჯს, სუნთქვას და ემოციას. პირველივე დღიდან არ გვაძლევდით მოდუნების საშუალებას და მუდმივად გვიბიძგებდით იმისკენ, რომ უფრო მეტი გაგვეკეთებინა და გავმხდარიყავით იმაზე უკეთესები, ვიდრე ვიყავით გუშინ. ხალხის სიყვარულზე დიდი საჩუქარი ადამიანისთვის არ არსებობს არაფერი... და ჩვენ ეს მთელი არსით შევიგრძენით. ამ პროექტმა უდიდესი ცხოვრებისეული გამოცდილება, უსაყვარლესი ადამიანები და ბევრი ჩემთვის დაუვიწყარი ცეკვის ემოცია შემძინა, რომელიც ყოველთვის ულამაზეს ცხოვრების პერიოდად დაგვრჩება.

 

ჩემს იდეალურ პარტნიორს რაც შეეხება, ის მსოფლიო დონის ნებისმიერ მოცეკვავეზე მაღლად დგას ჩემთვის 1000000 -თავით. ბედნიერი , რომ მქონდა პატივი შენს გვერდით ვმდგარიყავი სცენაზე და რაც ყველაზე მთავარია, უბრალოდ ბედნიერი ვარ, რომ შენნაირი ადამიანი გაჩნდა ჩემს ცხოვრებაში, შენ საუკეთესო ხარ!

 

უბედნიერესი ვარ, რომ მყავს ისეთი ოჯახი და მეგობრები, რომლებიც ყველაზე მეტად მიყვარს მთელს დედამიწის ზურგზე. ჩემი ამ პროექტში შესრულებული ყველა ცეკვა გეძღვნებათ თქვენ და რაც მთავარია, ჩემ უთბილეს ბებია-ბაბუებს, რომლებიც ზუსტად ვიცი, რომ ყველაზე ბედნიერები იქნებოდნენ, რომ ყოფილიყვნენ გუშინ დარბაში.

 

P.S. მადლობა „ცეკვავენ ვარსკვლავების" და „იმედის" მთელ გუნდს, რომ ქმნით ასეთ გრანდიოზულ და დაუვიწყარ მეგა-პროექტებს!", - წერს ირაკლი მაქაცარია.


 

big_banner
არქივი