საპარლამენტო უმრავლესობის წევრი ზვიად კვაჭანტირაძე სოციალურ ქსელში წერს:
„ძალიან საწყენი ამბავი ოზურგეთიდან.
იური ჯიჯიეშვილი გარდაიცვალა. ბრწყინვალე მსახიობი. ჩემი თაობის მეგობარი. ღონისძიება არ ტარდებოდა იურას გარეშე... ძალიან მიყვარდა და პატივს ვცემდი ამ ბრწყინვალე ადამიანს... იგი იყო თავისი თაობის ერთ-ერთი უსაყვარლესი სახე. ქალაქის სიამაყე. მასთან ურთიერთობა დღესასწაული იყო... ნათელი დაადგეს მის სულს.
ვუსამძიმრებ ჩვენი იურის ოჯახს და ახლობლებს, ისევე, როგორც მთელს ოზურგეთს", - წერს კვაჭანტირაძე.