logo_geo
ლევან თარხნიშვილი: წიკლაური, ხერხეულიძე, კალანდაძე, ცისკარიშვილი, მელიქიშვილი და კირკიტაძე...
- +

24 დეკემბერი. 2016. 03:01



„ერთიანი ნაციონალური მოძრაობის" პოლიტსაბჭოს წევრი ლევან თარხნიშვილი პარტიის წევრის გივი თარგამაძის გაკეთებულ განცხადებას სოციალურ ქსელში ეხმაურება:


„24 წლის და ცოტა მეტი ხნის წინ. დღეს იგივე ვითარებაა ენმ-ში. თანამედროვე გეკაჩეპე - წიკლაური, ხერხეულიძე, კალანდაძე, ცისკარიშვილი, მელიქიშვილი და კირკიტაძე. ყრილობის საორგანიზაციო კომისია, რომელმაც თავისის თავი დაასახელა, არავის ემორჩილება და თვითომ იღებს ყრილობის შესახებ ყველა გადაწყვეტილებას. ამ დროს წესდების თანახმად ეს ყოველივე პოლიტიკურ საბჭოს ევალება. აი ასე ჭეშმარიტად „გახსნილად და დემოკრატიულად" დამთავრდა ესე საგა „კაბინეტური მმართველობის წინააღმდეგ" ბრძოლისა. ჭირი იქა ლხინი აქა, ქატო იქა ნაცარი აქა", - წერს ლევან თარხნიშვილი.


შეგახსენბთ, რომ 23 დეკემბერს „ნაციონალური მოძრაობის" წევრმა გივი თარგამაძემ სოციალურ ქსელში ექს-პრეზიდენტ მიხეილ სააკაშვილის შესახებ შემდეგი შინაარსის სტატუსი გამოაქვეყნა:


„დღეს, აი ასეთ საოცარ რეალობაში გავიღვიძეთ. გუშინ პარტიის სამდივნოს სხდომაზე, იმის პასუხად, რომ წინა პოლიტსაბჭოზე გამარჯვებულებს საკრალური 7 ათასის გარდა ყრილობის ჩატარების არცერთი წესი ბოლომდე გაწერილი არ აქვთ და ასე მოქმედება შეუძლებელია, საჭიროა პოლიტსაბჭოს კიდევ ერთი სხდომის ჩატარება და ყველაფრის დაზუსტება, პასუხად მივიღეთ, რომ პოლიტსაბჭო მათი (ანუ მისი) გაგებით აღარ არსებობს და აწი ყველაფერს გადაწყვეტს ყრილობის საორგანიზაციო კომისია.

 

მითითება იმაზე, რომ ამ კომისიის წარდგენილი წევრებიც, წინა გადაწყვეტილების შესაბამისად, ასევრე პოლიტსაბჭომ უნდა დაამტკიცოს, არ აინტერესებთ.

 

თურმე წინა პოლიტსაბჭოს ნათქვამი, რომ მსგავსი კომისია უნდა შეიქმნას, იმთავითვე მის დამტკიცებას (!) ნიშნავდა. ანუ წევრთა წარდგენა იმთავითვე დამტკიცებასაც ნიშნავს.

 

ხოდა მივიღეთ ერთგვარი ГКЧП. პარტიაში გადატრიალების მცდელობა. არ ვიცი, ექვსნი საბჭოთა ანალოგის გამო არიან, თუ ლიდერს „ტროიკა"-ც ეხამუშა და „შესწიორკა" უფრო ეამა.

 

მაგრამ, ფაქტია, რომ გამოცხადებული გახსნილობის, მაქსიმალური ჩართულობის, კულუარული, კაბინეტური მმართველობის მსხვრევის ფონზე უპირობო ავტორიტეტს უკვე გადაწყვეტილი 7 ათასიანი ყრილობის წესების დასაზუსტებელი პოლიტსაბჭოს ჩატარებისაც კი შეეშინდა.

 

შესაბამისად, გასაგებია, რომ ნებისმიერი ცივილიზებული წესისაც ასევე ეშინია და სურს მხოლოდ ყრილობა-ბალაგანი, ერთგვარი ხურალი, რომელზეც არცერთი საკითხის არსს არ ექნება მნიშვნელობა და ექსტაზში მყოფთა შეძახილების ფონზე ყველაფერი, რაც სურს, ყოველგვარი პოზიციების შეჯერებისა და ხმების დათვლის გარეშე ისე დამტკიცდება, როგორც სურს.

 

ამის უტყუარი ნიშანი ზუგდიდის შეხვედრაზე უკრაინულ ჩართვაშიც იყო - პარტიის ლიდერშიპის ნაწილი ყოფილ თანამებრძოლებად მოიხსენია, უკვე სრულიად დაუფარავად დასდო ბრალი ივანიშვილთან გარიგებაში, განსხვავებული აზრის გამო თანაპარტიელი ქალბატონი პირდაპირ გადათელა... ჰქონდა დიდგორის იდეა. ჩაუვარდა. და შეუცვლელი ლიდერობის პრეტენზიის მქონე პოლიტიკოსი იქამდე მივიდა, რომ მის წარმოდგენაში ეგზისტენციალური დიდგორი 20 იანვარს, სპორტის სასახლეში, საკუთარ, თუნდაც ყოფილ, თანამებრძოლებთან შერკინებაში ეგულება. სავალალოა, ღმერთმანი...", - წერს გივი თარგამაძე.


 

big_banner
არქივი