logo_geo
თამარ ჩერგოლეიშვილი მიხეილ სააკაშვილზე: ბავშვივითაა - იქამდე ტირის, სადამდეც გასდის...
- +

5 იანვარი. 2017. 13:47


 

 

 

 

„ტაბულას" მთავარი რედაქტორი თამარ ჩერგოლეიშვილი სოციალურ ქსელში ექს-პრეზიდენტ მიხეილ სააკაშვილის შესახებ წერს:

 

„არაერთი წელია ვხედავ, რომ მიშა სააკაშვილი საკუთარი თავისგანაა გადასარჩენი.

 

არაერთი წელია ვთვლი, რომ მისი გადარჩენა მხოლოდ ერთი გზითაა შესაძლებელი - როცა კედელს უკეთებ, უკან იხევს და უფსკრულს შორდება.

 

თუ კედელში სუსტი რგოლი იპოვა, ჯეგავს და კვლავინდებურად უფსკრულისკენ მიიწევს.

 

ბავშვივითაა - იქამდე ტირის, სადამდეც გასდის.

 

ვისაც მიშას კარგად ყოფნა გსურდათ, მისთვის "არა"-ს თქმა უნდა გესწავლათ.

 

ზოგმა ეს ფიზიკურად ვერ შეძლო - დიდი ბიჭისთვის "არა"-ს თქმას მყარი ხერხემალი უნდა.

 

გამოჩნდნენ ისეთებიც, ვინც მიშას ამ მდგომარეობით სარგებლობა გადაწყვიტა - მიშას "კარზე" ადგილი გამოთავისუფლდაო და მოჩვენებითი ძალაუფლების "15 წუთით" ტკბებიან (ძალიან ხანმოკლეა მათი ტკბობა).

 

ჩვენ, ვისაც "არა"-ს თქმა შეგვეძლო, ყველა რესურსი ამოვწურეთ.

 

მიშას უფსკრულისკენ ლტოლვამ შეუქცევადი ხასიათი მიიღო.

 

მას ახლა კაციშვილი აღარ ყავს გარშემო, ვინც გააჩერებს - მაგალითად აუხსნის, რომ გიგი უგულავას ცილისწამების კამპანია მხოლოდ მისთვისაა დამღუპველი.

 

ახლა, მიშას მემკვიდრეობის (ეს სიტყვა არ უყვარს) გულშემატკივრებს იმედად სარეცხის თოკებიღა გვაქვს, ეგებ თოკებს დაეცეს.

 

ძალიან, ძალიან ტრაგიკული ამბავია, მაგრამ იოლად პროგნოზირებადი იყო მათთვის, ვინც მიშას და ვითარებას კარგად იცნობდა.

 

ლიდერებო - მორჩილი ხალხის გეშინოდეთ! ურჩებს მოევლება!" - წერს ჩერგოლეიშვილი.




 

big_banner
არქივი