საპარლამენტო უმრავლესობის წევრი ზვიად კვაჭანტირაძე სოციალურ ქსელში მსოფლიო ბანკის ახალ პროგნოზს ეხმაურება და წერს:
„2017 წელი ნამდვილად წინსვლის წელი იქნება!
აბა შეადარეთ მსოფლიო ბანკის პროგნოზები:
2017 წლის ეკონომიკური ზრდის პროგნოზის მიხედვით, საქართველო არის ლიდერი რეგიონში და მისი ეკონომიკური ზრდის მაჩვენებელი მნიშვნელოვნად აღემატება მეზობელი ქვეყნების ეკონომიკური ზრდის პროგნოზირებულ მაჩვენებლებს: საქართველო 5,2%,
სომხეთი 2,7%,
აზერბაიჯანი 1,2%,
რუსეთი 1,5%,
თურქეთი 3%.
· საქართველოს 2017 წლის ეკ. ზრდის პროგნოზის მიხედვით უსწრებს ასევე ევროპისა და ცენტრ. აზიის ისეთ ქვეყნებს როგორიცაა;
ბულგარეთი (3,2%),
უნგრეთი (2,6%),
პოლონეთი (3,1%),
რუმინეთი (3.7%),
ხორვატია (2,5%),
მოლდოვა (2,8%), და სხვა", - წერს კვაჭანტირაძე.
შეგახსენებთ, რომ მსოფლიო ბანკის ახალი პროგნოზით, საქართველოში ეკონომიკური ზრდა 2017 წელს 5,2%-ს მიაღწევს. ეკონომიკური პორტალის, bpn.ge-ს ინფორმაციით, ბანკის მიერ გამოქვეყნებული ანგარიშის - „გლობალური ეკონომიკური პერსპექტივები" თანახმად, ეკონომიკური ზრდის მაჩვენებელი 2018 წლისთვის 5,3%-მდე გაიზრდება, თუმცა 2019 წლისთვის 5,0%-მდე შემცირდება.