„დააკავეთ ტერორისტი მაჩალიკაშვილი დროზე“, - წერს სოციალურ ქსელში ჟურნალისტი ნინო ჯღარკავა და შემდეგი სახის პოსტს აქვეყნებს:
„მეტი მტკიცებულება რა გინდათ პროკურატურავ, სანამ მთელი ერი გარეთ გავსულვართ, სოსო გოგაშვილი, თეა მარტყოფლიშვილი, ეს რისთვის გაგიძლიათ ჩემო მეგობრებო, თქვენს გვერდით ვართ ყველა! სახელმწიფოს სამსახურისთვის გსჯიდნენ თურმე!“ - წერს ჯღარკავა.
ცნობისთვის, სახელმწიფო უსაფრთხოების სამსახურმა სავარაუდოდ, მალხაზ მაჩალიკაშვილისა და მისი ძმის შვილის მორის მაჩალიკაშვილის საუბრის ჩანაწერი გაავრცელა.
ჩანაწერის მიხედვით, მალხაზ მაჩალიკაშვილი ძმის შვილს სავარაუდოდ, სუს-ის უფროსის ყოფილი მოადგილის, სოსო გოგაშვილის თვალთვალს ავალებს. ჩანაწერში მაჩალიკაშვილი მორის (ჰუსეინი) მაჩალიკაშვილს ეუბნება, რომ მისი საქმე მხოლოდ გოგაშვილია.