logo_geo
დავით ოქიტაშვილი: მადლობა ბატონ ბიძინას, რომელმაც ქვეყანა იხსნა დაღუპვისგან!
- +

8 თებერვალი. 2017. 19:33


 


„არ მინდოდა ამ პოსტის დაწერა, მაგრამ ბოლო პერიოდში განვითარებულმა მოვლენებმა მაიძულა ჩემი აზრი დამეფიქსირებინა. კიდევ ერთხელ დავრწმუნდი, თუ რა მონსტრი, საკუთარი ერის მოძულე, საკუთარი ხალხის მოძალადე მთავრობა ასე მშვიდობიანად გაუშვა საზოგადოებამ, ბიძინა ივანიშვილის ხელმძღვანელობით, ისტორიულ ნაგავსაყრელზე!" ,- ამის შესახებ სოციალიურ ქსელში საქართველოს კულტურის პალატის პრეზიდენტი დავით ოქიტაშვილი წერს.


„ყველაფერს ზღვარი აქვს.. ბიძინამ ამოგვიყვანა ჭაობიდან, ბიძინამ გვიხსნა ჯოჯოხეთიდან, გვიბოძა თავისუფალი სიტყვა, საქართველოს ყველაზე ძვირფასი-ახალგაზრდობა გადაარჩინა და იხსნა უამრავი უბედურებისაგან, რასაც მათ წინა მთავრობა უქადდა.

 

მათი სისასტიკე საქართველოს მოსახლეობის უმრავლესობას შეეხო. ჯერ კიდევ ბოლომდე არ გვაქვს გაცნობიერებული, თუ რა გაკეთდა 2012, 2016 წლის არჩევნებში, „ნაციონალური მოძრაობის" საბოლოო დამარცხებით.

 

ის, რაც ჩვენ გამოვიარეთ, არის გაუგონარი სისასტიკე. ასე გძულდეს შენი ქვეყანა და ასე სისასტიკით უსწორდებოდე შენს ხალხს ჯერ არ მინახავს! მადლობა ვუთხრათ ამ ადამიანს თავისუფლების შენარჩუნებისთვის, ღირსების აღდგენისა და ძალადობრივი რეჟიმის მოშორებისთვის. მადლობა მომავლის იმედის გაჩენის, ღიმილიანი და მშვიდობიანი ცხოვრებისთვის! მთავარი გამოწვევა - ამ რეჟიმის მშვიდობიანად გასტუმრება იყო, მადლობა ბატონ ბიძინას რომელმაც ერის გამოძახილს ღირსეულად უპასუხა და ქვეყანა იხსნა დაღუპვისგან!

 

კი არის ძალიან ბევრი შეცდომები, არის ძალიან ბევრი გაჭირვება, მაგრამ, იმედია, რომ ამ მდგომარეობიდანაც გამოვალთ ნელ-ნელა და თანმიმდევრულად.

 

ერთგულება თვისება არ არის, ერთგულება ღირსეული ადამიანების არჩევანია! რაც, სამწუხაროდ, დღეს ეს ჩვენში დეფიციტია. ბევრი მედროვე და მოღალატე მომვრავლდა და იმედია საზოგადოება მათ სათანადო პასუხს გასცემს.

 

დღეს გამოდიხართ და თურმე ბიძინა უნდა გადადგეს, ხომ ვერ მეტყვით რომელი თანამდებობიდან?

 

ეს უკვე ყოველგვარ ზღვარს სცდება, ობიექტურობა და სამართლიანობა ერთ-ერთი კარგი თვისებაა, რაც ღმერთმა ადამიანს უბოძა. არ შეიძლება ადამიანის სიკეთე არ დავინახოთ. სიკეთე უდიდესი ნიჭიც არის, რადგან ის ამკვიდრებს ბედნიერებას, სიხარულს, ყოველივე კეთილი წარმოქმნის ყოველგვარ ადამიანურს, რომელიც ძალიან გვჭიდება. სიკეთე ქმნის სიკეთეს, რომლითაც უნდა გავიხაროთ. რამდენადაც არ უნდა გვიჭირდეს და რთული იყოს, მადლობა უნდა ვუთხრათ სიკეთის მკეთებელ ადამიანებს.

 

მადლობა ბატონო ბიძინა სიკეთისათვის...", - წერს დავით ოქიტაშვილი.


 

big_banner
არქივი