„ქართული მარშის“ ერთ-ერთი ლიდერი სანდრო ბრეგაძე სოციალურ ქსელში შემდეგი სახის პოსტს აქვეყნებს:

„ქართული მარში“ აცხადებს, რომ მიხეილ სააკაშვილის გუშინდელი გამოსვლა იყო ფარისევლობა და არასოდეს არ გეგმავს მასთან რაიმე ტიპის კავშირს, რადგან სწორედ სააკაშვილი გახლდათ გიგა ბოკერიასთან ერთად ანტიეროვნული, ანტიმართლმადიდებლური პოლიტიკის შემოქმედი! სამწუხაროდ, ეროვნულ ფლანგზე მომრავლდნენ ფარისევლურ-ფსევდოეროვნული პოლიტიკოსები, რომლებიც ცდილობენ ეროვნულად მოაზროვნე ხალხის შეცდომაში შეყვანას! „ქართული მარში“ ემიჯნება როგორც მიხეილ სააკაშვილს, ასევე იმ ეგზარხოსულ-შავრაზმულ პოლიტიკანებს, რომლებსაც სურთ ეროვნული მოძრაობის გამარგინალება! ეროვნული მოძრაობა არის ილია ჭავჭავაძის, ზვიად გამსახურდიას და მერაბ კოსტავას იდეებზე დაფუძნებული ერთობა, რომელიც ამხელს როგორც მოღალატე-სოროსელებს, ასევე ფსევდოეროვნულ შარლატანებსაც! „ქართული მარში“ უახლოეს თვეში იწყებს ბრძოლის ახალ ეტაპს, რომელიც დამანგრეველი იქნება ეროვნული-ტრადიციული იდეოლოგიის მტრებისთვის და აუცილებლად გაისტუმრებს მათ პოლიტიკურ სანაგვეზე!“ - წერს ბრეგაძე.