logo_geo
ეროვნული ბიბლიოთეკის ხელმძღვანელობა საკუთარი თანამშრომლების ნაცვლად იმუშავებს
- +

22 მარტი. 2020. 20:44

 

 

"ორშაბათიდან მე და ეროვნული ბიბლიოთეკის ადმინისტრაციის რამდენიმე ხელმძღვანელი, დროებით შევიცვლით ფუნქციას – ჩვენი ძვირფასი თანამშრომლების სამუშაო ოთახებში გადავინაცვლებთ და მათ კონკრეტულ სამუშაოს შევასრულებთ. ამ რამდენიმე ადამიანს ისედაც გვიწევს გადაუდებელი ამოცანების გამო შეკრება და განსაკუთრებულ საფრთხეს არ წარმოვადგენთ ერთმანეთისთვის.

 

 

 

რაც შეეხება საქმეს: ეროვნული ბიბლიოთეკა არის არაერთი უნივერსიტეტის დონორი სასწავლო მასალების მიმართულებით და ახლა ყოველდღიურად ათობით სტუდენტი და ლექტორი გვიკავშირდება ონლაინ-სწავლების შეფერხების გამო. ჩვენ გვაქვს დიდი, თანამედროვე ლაბორატორია, სადაც უკვე ათიათოსობით მასალა გავაციფრულეთ, თუმცა არის წიგნები, რომელთა ელექტრონული ვერსია ჯერ არ არსებობს. მე და ჩემი მეგობრები, გავინაწილებთ ფუნქციებს – საცავს, სკანერს, კომპიუტერებს და უნივერსიტეტებს პერიოდულად მივაწვდით საჭირო რესურსს. მე საცავის საქმე მაინტერესებს.

ახლა ასე სჯობს. ჩვენ ვერცერთი თანამშრომლის ჯანმრთელობას ვერ შევუქმნით საფრთხეს. ისინი ამ პერიოდში ჩვეულებრივ მიიღებენ ხელფასებს და დაველოდებით იმ დღეს, როცა კვლავაც ერთად გავაგრძელებთ ბიბლიოთეკის მართვას", — აცხადებს ეროვნული ბიბლიოთეკის გენერალური დირექტორი გიორგი კეკელიძე.

 

big_banner
არქივი