ჟურნალისტი ჯაბა ხუბუა მიხეილ სააკაშვილის სახასიათო და ძალიან მნიშვნელოვან დეტალებს იხსენებს:
„გახსოვთ, სააკაშვილი პატრიარქს კონკურენტად რომ მიიჩნევდა და ეტოქებოდა?
როცა პატრიარქმა ბრძანა - ოჯახში მესამე შვილს ვინც გააჩენს, მე მოვუნათლავო, ერთ კვირაში სააკაშვილმა გამოაცხადა - ვინც 100 კაცს დაასაქმებს, იმას მეჯვარედ დავუდგებიო.
მას შემდეგ საქართველოში შობადობამ კი იმატა, მაგრამ დასაქმების ამბავი შავად წავიდა.
ასეთიც იყო:
პატრიარქი მოსკოვში ჩავიდა და რუსეთის ხელისუფლება სოფელ პერევიდან საოკუპაციო ჯარის გაყვანაზე დაითანხმა, სააკაშვილი კი აყვირდა - პატრიარქი მოსკოვში ჩემი დავალებით წავიდა და რუსეთის ხელისუფლებას ჯარის გაყვანაზე ჩემი მოთხოვნა გააცნოო.
სააკაშვილის ამ განცხადების შემდეგ რუსეთმა პერევიდან გაყვანილი საოკუპაციო ჯარი უკან დააბრუნა.“