logo_geo
თემო თათარაშვილი: მივიღე ბოდიში ტელევიზიის მფლობელისგან, ამ ეტაპზე ჩემთვის ეს ეპიზოდი ამოწურულია
- +

3 აგვისტო. 2020. 21:23

 

 

 

მომღერალ თემო თათარაშვილს ტელევიზიის მფლობელმა და გადაცემა „ფარული კონვერტის“ პროდიუსერებმა ბოდიში მოუხადეს.

 

ამის შესახებ მომღერალი სოციალურ ქსელში წერს და აღნიშნავს, რომ დავის გაგრძელებას აღარ აპირებს. 

 

მადლობას გადაგიხდით ჩემო მეგობრებო, კოლეგებო, მსმენელებო და ადამიანებო, ვისაც სხვისი შეურაცხყოფის დანახვა გულგრილად არ შეუძლია. იმედი მაქვს ჩემი გამოხმაურება დააფიქრებს ბევრი გადაცემის ჟურნალისტს და წამყვანებს, რომ ადამიანის პირად ცხოვრებაში ქექვა, სიბინძურეების შეთხზვა და შემდეგ ამის ტირაჟირება არის დანაშაული და ადრე თუ გვიან საზოგადოებისგან მიიღებს ადექვატურ პასუხს.

 

ახლა რაც შეეხება ჩემს სიუჟეტს მივიღე ბოდიში ტელევიზიის მფლობელისგან პირადად, ასევე გადაცემის პროდიუსერებისგან და რეაგირებაც მოახდინეს, ამოჭრეს გადაცემიდან ის ნაწილი, რომელიც ჩემთვის ვინმე არარაობის მიმართ ყურადღების მისაქცევად იყო განკუთვნილი ჩემი სახელის და ავტორიტეტის გამოყენებით. დამირეკეს და ბოდიში მომიხადეს ტელევიზიაში მომუშავე სხვა გადაცემების ღირსეულმა წამყვანებმა და ჟურნალისტებმა, ხალხმა ვისაც ძალიან დიდ პატივს ვცემ და მათი თანადგომა და ბოდიში ჩემთვის ძალიან დასაფასებელია. ამ ეტაპზე ჩემთვის ეს ეპიზოდი ამოწურულია და არ ვაპირებ არანაირ სამართლებრივ დავას ზემოდჩამოთვლილი მიზეზების გამო. ხოლო გადაცემის წამყვანს და მის რესპოდენტს რაც შეეხება ერთ სიტყვას ვარგუნებ მხოლოდ “ჭიტა”. მეტს არაფერს არ იმსახურებენ. პროვოკატორებს დრო აუცილებლად თავის ადგილებს მიუჩენს სატელევიზიო სანაგვეზე.“- წერს თათარაშვილი.

 

 

 

 

big_banner
არქივი