ტერიტორიული მთლიანობისთვის ბრძოლების ვეტერანი, შავნაბადას ბატალიონის პირველი ასეულის ყოფილი მეთაური მალხაზ თოფურია სოციალურ ქსელში საქართველოს ყოფილ პრეზიდენტთან მიხეილ სააკაშვილთან დაკავშირებით შემდეგი სახის პოსტს აქვეყნებს:

„საშუალება, რომ მქონდეს აუცილებლად დავამზადებდი კლიპებს, სააკაშვილის მიერ შექმნილ ნოვაციურ „ჟურნალისტებზე" ე.წ. ალისტრახოებზე (რომლის ანალოგი ჩრდილოეთ კორეშიც კი არ მოიძიება) დავადებდი უკრაინულ თარგმანს როგორ ჟურნალისტობდნენ ალისტრახოები სხვადასხვა რეგიონში და თუნდაც ფასიანი რეკლამით უკრაინის წამყვან არხებზე გავუშვებდი, სათაურით - „ჟურნალისტ" სააკაშვილის თვალით დანახული თავისუფალი მედია!" - წერს თოფურია.