„ბიზნესპრესნიუსის" ინფორმაციით, ელიავას ბაზრობა, შესაძლოა, ქალაქის გარეუბანში გადავიდეს და მის ნაცვლად რეკრეაციული, გამწვანებული ზონა მოეწყოს. ფონდ „ქართუს" საზოგადოებასთან ურთიერთობის სამსახურის ხელმძღვანელი გიორგი უძილაური აღნიშნულთან დაკავშირებით სოციალურ ქსელში სტატუსს აქვეყნებს:
„ძალიან კარგი იდეაა, მაგრამ ამ იდეას მხარდაჭერა სჭირდება. თბილისს კატასტროფულად აკლია მწვანე ზონები. ელიავას ბაზრობიდან საგამოფენო ცენტრამდე სულ მახინჯი ინფრასტრუქტურაა. ამ ტერიტორიაზე აუცილებლად უნდა გაშენდეს პარკი", - წერს გიორგი უძილაური.