ჟურნალისტი და პოეტი მაია კახიძე, სოციალურ ქსელში შემდეგი სახის სტატუსს აქვეყნებს:
„ახლახანს გამოგვიცხადეს, 200 კვ.ტ. დენს და ამდენივე კუბ. ბუნებრივ აირს ჩვენ გადავიხდით მთელი 4 თვეო.
კი ბატონო, კაი ამბავია, მაგრამ მე, მაგალითად, აპრილ-მაისში, მთელი ორი თვე, თან რომ არ ვიცოდი (ვერც იგებ, რამდენი დახარჯე, არც ქვითარი, არც შეტყობინება... მიხვალ ბანკში და გინდა თუ არა, ამდენი და ამდენია გადასახადიო... რაღას იზამ?!) და სულ რაღაც 2 ლარის სხვაობის გამო ერთად გადამახდევინეს ივნისში. გაქვს თუ არა ერთად გადახდის საშუალება, არავინ გეკითხება. გამოვიდა, რომ მხოლოდ ერთი თვის „შემარგეს“ მაშინ, იმ პანდემიისას.
ჰოდა, ახლა ერთი რამ მინდა შევთავაზო დამპირებელს:
ეს იგი, ამ 4 თვის განმავლობაში (ნოემბერი, დეკემბერი, იანვარი, თებერვალი) ჩვენს მიერ მოხმარებული 200 კვ.ტ დენიც და 200 კუბ. ბუნებრივი აირიც, გადაიხადეთ თქვენ, ხომ გვპირდებით?! და იმის ზემოთ რაც იქნება გადამეტება, 10-20 თუ 50 იმას ჩვენ გადავიხდით, მოსახლეობა“, - წერს მაია კახიძე.