ლეგენდარული ტელეწამყვანის დავით სოკოლოვის „ვარსკვლავის“ გახსნასთან დაკავშირებით კულტურის პალატის პრეზიდენტი დავით ოქიტაშვილი სოციალურ ქსელში პოსტს აქვეყნებს.

„საქართველოს კულტურის პალატა და საქართველოს პირველი არხი დავით სოკოლოვს 15:00 საათზე(შეგიძლიათ უყუროთ პირველი არხის პირდაპირ ეთერში) მთაწმინდის პარკში, თბილისის ტელეანძის მიმდებარედ „ვარსკვლავს“ გაუხსნის.

საქართველოს ტელევიზიის დაარსების პირველივე წლებიდან დავით სოკოლოვი საინფორმაციო პროგრამა „მოამბის“, ასევე არაერთი საზოგადოებრივ-პოლიტიკური გადაცემის წამყვანად ათეულობით წლის განმავლობაში მუშაობდა. ტელევიზიის პარალელურად კი, რადიოშიც აგრძელებდა გადაცემების წაყვანას.

საქართველოს პირველმა არხმა მთაწმინდის პარკში სახელობითი „ვარსკვლავები“ უკვე გაუხსნა ცნობილ ტელესახეებს: ალექსანდრა მაჭავარიანს, ლია მიქაძეს, ჯულიეტა ვაშაყმაძეს, ჟანეტა არჩვაძეს, ნუგზარ ჯუღელსა და თენგიზ ნათაძეს“, - წერს დავით ოქიტაშვილი.