ამერიკის 46-ე პრეზიდენტი პირობას დებს, რომ რუსეთი საკუთარ აგრესიულ ქმედებებზე პასუხს აგებს. ამის შესახებ ჯოზეფ ბაიდენმა სახელმწიფო დეპარტამენტში გამოსვლისას განაცხადა.

„მე ვუთხარი პრეზიდენტ პუტინს, რომ დრო, როდესაც შეერთებული შტატები რუსეთის აგრესიულ ქმედებებზე, ჩვენს არჩევნებში ჩარევაზე, კიბერთავდასხმებზე, ადამიანების მოწამვლაზე ჩუმდებოდა, წარსულს ჩაბარდა. ჩვენ უყოყმანოდ ვაიძულებთ რუსეთს საკუთარ ქმედებებზე პასუხი აგოს და დავიცავთ ჩვენი ხალხის ინტერესებს,“- აღნიშნა ბაიდენმა.