logo_geo
შვილო, გიგლა, წააგე?!
- +

30 აპრილი. 2018. 02:37

 

ციხეგამოვლილმა თბილისის ყოფილმა მერმა, გიგი უგულავამ ვანსა და ხონში შუალედური არჩევნები „დამაჯერებლად” წააგო. მართალია, თავად იხტიბარს არ იტეხს და ამტკიცებს, გივი ჭიჭინაძეს მიტკალივით გავაუთოებო, მაგრამ ფაქტია, მინდორ-ველების გადახვნა, კარტოფილის თესვა, ტრაქტორსა და ხეებზე ხტუნვა წყალში ჩაეყარა. მოდით, ახლა ვნახოთ, დაახლოებით როგორი საუბარი გაიმართებოდა არჩევნების შემდეგ ამ მოხუც ქალბატონსა და ბატონ გიგილოს შორის:

 

 – შვილო, გიგლა, წააგე?

 

– ჰო, ბებო, წავაგე!

 

– ეხლა არ დაიწყო, გამიყალბესო!

 

– არა, ბებო, მაგას როგორ გაბედავდნენ? ჭიჭინაძის გამარჯვება უკვე ვაღიარე.

 

– ჰო, შვილო, დამარცხება და გამარჯვება ძმები არიან.

 

– მე ისევ დავბრუნდები.

 

– როდის?

 

– 2020-ში.

 

– რა აზრი აქ?

 

– ბრძოლას აზრი ყოველთვის აქვს!

 

– იიიჰ, კარგი ერთი…

 

– რატომ არ მომეცით ხმა, ხო ყველაფერი გაგიკეთეთ?

 

– შვილო, საარჩევნოდ გაკეთებულსაც ეტყობა და ჩვეულებრივსაც… 9 წელი ზემო თაროს რო იყავი და არ გაგხსენებივართ, ეგ როგორ იყო?

 

– ვტყუივარ.

 

– მერე კიდევა, შენზე ისეთ რაღაცებს ამბობენ, ყურო ნუ გაიგონებ, ხალხი, შვილო, არაფერს ივიწყებს, ტრაქტორით კი არა, ცხენით რო ირბინო, მაინც არაფერი გამოგივა.

 

– მე ვამაყობ ჩემი წარსულით, ბებო!

 

– ეგ შენ ამაყობ, საქართველოს კიდე რცხვენია. ისე, 48 მილიონი რამ მოგაპარინა, რა ამბავია?

 

– ოჯახი ხრამია, ბაბო, რა უნდა მექნა?

 

– განა ჩვენ არა გვყავს ოჯახები?

 

– ჰო, მაგრამ…

 

– წადი, შვილო, ხეირი ნახე, შენი გზა მოძებნე.

 

 

 

გიორგი ხმალაძე

 

 

წყარო : wyaro
big_banner
არქივი