logo_geo
მარინა ლაგვილავა: მქარგველები ერთმანეთის ნამუშევრებს ვეფერებით...
- +

9 მარტი. 2019. 20:21

 

 

გაზაფხულის შემობრძანების აღნიშვნისა და ქალთა დღისადმი  მიძღვნილი ღონისძიების ჩატარების სურვილმა 50-მდე ქალბატონი გააერთიანა, რომელთაც ნაქარგი და ხელნაკეთი ნივთები სასტუმრო „მუზას“ საგამოფენო დარბაზში წარუდგინეს საზოგადოებას.

 

გამოფენა „საქართველოს მქარგველებისა და ხელმარჯვეების ასოციაციამ“ წარმოადგინა, რომელიც 2013 წლიდან არსებობს და საქართველოში ამ დარგის პოპულარიზაციას ეწევა.

 

ასოციაცია აქამდე სხვადასხვა ქალაქებში აწყობდა გამოფენებს. სწორედ ახლა, თბილისში პირველად წარმოადგინა - სხვადასხვა ტექნიკით შესრულებული ნაქარგები, მათ შორის, მულინეს ძაფებითა და ლენტებით შესრულებული (ჯვრული, ნაცური), ასევე ულამაზესი ხელნაკეთი სამკაულები, ჩანთები და სხვა აქსესუარები.

 

„წარმოდგენილი ნამუშევრები ასოციაციის სახელითაა გამოფენილი. აქ არიან ქალბატონები და პატარა გოგონები, რომლები შესანიშნავ ნამუშევრებს ქმნიან. პირადად ჩემთვის, ქარგვა ჩემი სულის ნაწილია, დიდ სიყვარულს ვდებ თითოეული ნაქარგის შექმნაში. შემდეგ ფიქრობ, რა მოგწონს, როგორ ხედავ ამა თუ იმ ამ ნახატს და შემდეგ უკვე გინდა წარუდგინო საზოგადოებასაც შენი ნაშრომი. აუცილებელია, საზოგადოებამ შეგიფასოს და ნახოს შენი, როგორც შემოქმედის საქმიანობა. ასოციაციის სახელით შემდეგ გვაქვს კიდევ ერთი გამოფენა. თითოეული ჩვენგანი - მქარგველები, ვეფერებით ერთმანეთის ნამუშევრებს და ვაზიარებთ ემოციებს“,  - განაცხადა ასოციაციის ერთ-ერთმა დამფუძნებელმა, მარინა ლაგვილავამ.

 

 

 

 

 

 

 

 

 

 

big_banner
არქივი