გიორგი თავართქილაძის ფილმი „ცუდი ხალხი“ ლონდონში, „დისქოვერ ფილმ ფესტივალზე“ (Discover Film Festival) საუკეთესო დრამატული ფილმის ჯილდოს მფლობელი გახდა. ინფორმაციას ეროვნული კინოცენტრი ავრცელებს.
ფილმი საქართველოში 90-იანი წლების დასაწყისში მიმდინარე მოვლენებსა და იმ პერიოდის რამდენიმე რეალურ ამბავს გვიყვება. გიორგი თავართქილაძის „ცუდი ხალხი“ მოკლემეტრაჟიანი, მძაფრსიუჟეტიანი ფილმია.
შეგახსენებთ, რომ ფილმის მსოფლიო პრემიერა ჰონგ-კონგის საერთაშორისო კინოფესტივალზე 25 მარტს გაიმართა. ასევე, „ცუდი ხალხი“ ლოს-ანჯელესის მოკლემეტრაჟიანი ფილმების ფესტივალის პრიზიორია.