logo_geo
N ICE სადებიუტო ალბომს MELODY 21 აპრილს გამოუშვებს
- +

18 აპრილი. 2019. 02:42

 

21 აპრილს ქართველი ჰიპ ჰიპ არტისტი ნათია მეგრელიძე, სასცენო სახელით N Ice, სადებიუტო ალბომს Melody გამოუშვებს. როგორც მუსიკოსმა popmusic-თან საუბარში განაცხადა, სტუდიურ ნამუშევარში სულ 8 კომპოზიცია იქნება თავმოყრილი.

 

ჩანაწერის ფარგლებში ნათიამ პროდიუსერ ლევან ოქროპირიძესთან, ფსევდონიმით Floriouskid და მაიკლ ნავროდსკისთან, იგივე MVYKL-თან ითანამშრომლა. თავად არტისტის გარდა ალბომში რეპერი დავით მეზვრიშვილი, სასცენო სახელით Datomezz მონაწილეობს.

 

იხილეთ ნამუშევრის ტრეკლისტი და გარეკანი:

 

 

„Melody განსხვავებული, ჩემთვის უჩვეულო ნამუშევარია. ასე ვთქვათ, დავასრულე “ბლატაობის” ერა. უფრო ემოციური და შინაარსიანი მუსიკის წერაზე გადავედი. ალბომი მთლიანად გზაში ყოფნისას, მილანიდან თბილისში და თბილისიდან მილანში მგზავრობისას დაიწერა", - აღნიშნა არტისტმა.

 

ნათია მეგრელიძე წარსულში ფსევდონიმით Ice Lady მოღვაწეობდა და არჩევანს ბუმ ბეფის კლასიკურ ჟღერადობაზე აკეთებდა. მუსიკოსის ბოლოდროინდელი შემოქმედება რეპის ახალი სკოლის ელემენტებს შეიცავს. N ice-ის ცნობილი ტრეკებია WKUN, F L O W, Sarahah და სხვა.

 

 

 

წყარო: www.popmusic.ge

 

 

 

 

 

 

big_banner
არქივი