13 აგვისტოს Black Sea Arena ბენდ 30 Seconds to Mars-ს უმასპინძლებს. 30 Seconds to Mars ამერიკული როკპროექტია, რომელიც 1998 წელს ორმა ძმამ - ჯარედ და შენონ ლეტოებმა - შექმნა.
ბენდის პირველი კომერციული წარმატება და აღიარება 2005 წელს გამოსულ ალბომს A Beautiful Lie-ს უკავშირდება, რომელიც ისეთ ჰიტებს მოიცავდა, როგორებიცაა „Attack“, „The Kill", „From Yesterday“ და „A Beautiful Lie“.
ბილეთების გაყიდვა დაიწყება 20 მაისიდან. ფასი 50-დან 200 ლარამდე იქნება.