რეჟისორი ზაზა ურუშაძე სიონის ტაძრიდან დღეს 14 საათზე გამოასვენეს. მოძღვარმა, რომელმაც რეჟისორს წესი აუგო, პატრიარქის გამოგზავნილი სამძიმრის წერილი წაიკითხა:

„ბატონი ზაზა ურუშაძის გარდაცვალებამ საყოველთაო გულისტკივილი გამოიწვია ერშიც და თვითოეულ ჩვენთაგანში. მან თავისი ეროვნული სათქმელი დაგვიტოვა ღრმა და საინტერესო ფილმების სახით. ვილოცოთ ბატონი ზაზას უკვდავი სულისთვის. მინდა, რწმენა მოგენიჭოთ, რომ გარდაცვალება არ არის სიკვდილი, არამედ მარადიული სიცოცხლის დასაწყისია...“ -წერს ილია მეორე.