ევროპარლამენტის წევრი, „ევროპის სახალხო პარტიის" ჯგუფის ვიცე-პრეზიდენტი მარია გაბრიელი twitter-ის პირად გვერდზე წერს, „კარგი სიახლე: ჩვენ მივაღწიეთ შეთანხმებას ევროკავშირის საბჭოსთან საქართველოსთან ვიზალიბერალიზაციის საკითხზე. ერთობლივი ვალდებულება რაც შეიძლება მალე უნდა შესრულდეს".
რამდენიმე საათის წინ ასევე ევროკავშირის საბჭოს თავმჯდომარე ქვეყნის, სლოვაკეთის twitter-ის ოფიციალურ გვერდზე გამოქვეყნდა ინფორმაცია, რომ ევროპარლამენტმა და ევროკავშირის საბჭომ საქართველოს ვიზალიბერალიზაციაზე პოლიტიკურ შეთანხმებას მიაღწიეს. ამის შესახებ ინფორმაცია
„კარგი სიახლე საქართველოს მოქალაქეებისთვის: ევროკავშირის საბჭოსა და ევროპარლამენტს შორის მიღწეულია პოლიტიკური შეთანხმება ვიზალიბერალიზაციის საკითხზე. შემდეგი ნაბიჯი ევროკავშირის საბჭოა", - ნათქვამია ევროკავშირის საბჭოს თავმჯდომარე ქვეყნის, სლოვაკეთის გამოქვეყნებულ განცხადებაში.