logo_geo
ლევან გოგიჩაიშვილი: პარლამენტში არაფერი ესაქმებოდათ ყოფილ მინისტრებს და ადამიანებს, რომლებიც მისი წევრები არ არიან!
- +

20 დეკემბერი. 2017. 23:58



საპარლამენტო უმრავლესობის წევრი ლევან გოგიჩაიშვილი აცხადებს, რომ დღეს, პარლამენტში მომხდარი ინციდენტისას რამდენიმე ადამიანს პარლამენტში არაფერი ესაქმებოდა.


ლევან გოგიჩაიშვილმა პარლამენტის თავმჯდომარეს ირაკლი კობახიძეს მიმართა და ამის აღკვეთისკენ მოუწოდა.


„ეს იყო გამოხატული უპატივცემულობა პარლამენტის ინსტიტუტის მიმართ, იმ რეგლამენტის მიმართ, რომელზეც დგას ჩვენი ინსტიტუტის გამართული მუშაობა.

 

ბატონო თავმჯდომარე, თქვენ მოგმართავთ, მომავლისთვის გავითვალისწინოთ, რომ ასეთი ექსცესები, ასეთი თავხედური გამოხდომები არ იყოს, განსაკუთრებით, იმ ადამიანების მხრიდან, რომელთაც არ ეკუთვნით ხოლმე ასეთ ფორმატებში პარლამენტში ყოფნა.

 

არ უნდა მოხდეს პარლამენტის რეგლამენტის დარღვევა, ვინაიდან იქ არაფერი ესაქმებოდა ბარამიძეს, იქ არაფერი ესაქმებოდათ ყოფილ მინისტრებს და იმ ადამიანებს, რომლებიც არ არიან პარლამენტი წევრები. გთხოვთ, კონტროლზე იყოს აყვანილი ასეთი გამოხდომები", - განაცხადა გოგიჩაიშვილმა.


პარლამენტში მთავრობის „ნაციონალურ მოძრაობასთან" შეხვედრისას ნიკა მელიასა და პრემიერ-მინისტრ გიორგი კვირიკაშვილს შორის კამათს სიტყვიერი დაპირისპირება მოჰყვა.


მთავრობამ დარბაზი პროტესტის ნიშნად დატოვა. დარბაზის დატოვებამდე, დაპირისპირება უფრო გამწვავდა და ნიკა მელიას პრემიერმა უცენზურო სიტყვებით მიმართა.


მოგვიანებით, საქართველოს პრემიერ-მინისტრმა მომხდარი ინციდენტის გამო საზოგადოებას ბოდიში მოუხადა. როგორც პრემიერ-მინისტრმა ფრაქცია „პატრიოტთა ალიანსთან" შეხვედრის დაწყების წინ განაცხადა, სამწუხაროდ, „ნაციონალური მოძრაობის" ზოგიერთმა წარმომადგენელმა მისი მდგომარეობიდან გამოყვანა შეძლო.









 

big_banner
არქივი