logo_geo
პარლამენტის რიგგარეშე სესია 21 დეკემბერს 12:00 საათზე დაიწყებს მუშაობას
- +

21 დეკემბერი. 2017. 04:02



პარლამენტის ბიუროს სხდომაზე გაირკვა, რომ საქართველოს კონსტიტუციის 61-ე მუხლის მე-2 პუნქტის შესაბამისად, 2017 წლის 21 დეკემბრის 12:00 საათიდან, პარლამენტის რიგგარეშე სესია იქნა მოწვეული.


სესიის გამართვასთან დაკავშირებით, საქართველოს პრეზიდენტის შესაბამისი განკარგულება, ბიუროს წევრებს, პარლამენტის თავმჯდომარემ, ირაკლი კობახიძემ გააცნო.


მისი განცხადებით, პარლამენტის მოთხოვნის საფუძველზე, პრეზიდენტმა რიგგარეშე სესიის მოწვევის თაობაზე, განკარგულება გამოსცა, რომლის მთავარ განსახილველ საკითხს მთავრობის განახლებული შემადგენლობისთვის ნდობის გამოცხადება წარმოადგენს.


პარლამენტის თავმჯდომარემ ბიუროს წევრებს რიგგარეშე სესიის ფარგლებში განსახილველი საკითხების რიგითობა გააცნო. როგორც სხდომაზე აღინიშნა, რიგგარეშე სესიის პლენარულ სხდომებზე კანონმდებლები 75 კანონპროექტს განიხილავენ.


რიგგარეშე სესიის პლენარული სხდომა მუშაობას ხვალ, 21 დეკემბერს, 12:00 საათიდან შეუდგება.









 

big_banner
არქივი