საქართველოს პარლამენტმა 103 ხმით 17 წინააღმდეგ მთავრობის ახალ შემადგენლობას ნდობა გამოუცხადა.
საქართველოს მთავრობაში სტრუქტურული ცვლილებები განხორციელდა, რომლის მიხედვითაც, სამინისტროების რაოდენობა 18-დან 14-მდე შემცირდა.
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი საგარეო საქმეთა სამინისტროს შეუერთდა; გარემოს დაცვის სამინისტროს - სოფლის მეურნეობის სამინისტრო; კულტურისა და ძეგლთა დაცვის სამინისტროს სპორტისა და ახალგაზრდობის საქმეთა სამინისტროს სპორტის კომპონენტი დაემატა; ეკონომიკისა და მდგრადი განვითარების სამინისტროს ენერგეტიკის სამინისტრო და გარემოს დაცვისა სამინისტროს ბუნებრივი რესურსების მართვის კომპონენტი.
შესაბამისად, საქართველოს მთავრობის შემადგენლობა ასეთია:
პრემიერ-მინისტრი - გიორგი კვირიკაშვილი;
საგარეო საქმეთა მინისტრი - მიხეილ ჯანელიძე;
შინაგან საქმეთა მინისტრი - გიორგი გახარია;
ეკონომიკის მინისტრი - დიმიტრი ქუმსიშვილი;
ფინანსთა მინისტრი - მამუკა ბახტაძე;
გარემოს დაცვისა და სოფლის მეურნეობის მინისტრი - ლევან დავითაშვილი;
კულტურის, ძეგლთა დაცვისა და სპორტის მინისტრი - მიხეილ გიორგაძე;
განათლების მინისტრი - მიხეილ ჩხენკელი;
იუსტიციის მინისტრი - თეა წულუკიანი;
თავდაცვის მინისტრი - ლევან იზორია;
რეგიონული განვითარებისა და ინფრასტრუქტურის მინისტრი - ზურაბ ალავიძე;
სასჯელაღსრულებისა და პრობაციის სამინისტრო - კახი კახიშვილი;
შერიგებისა და სამოქალაქო თანასწორობის საკითხებში სახელმწიფო მინისტრი - ქეთევან ციხელაშვილი;
შრომის, ჯანმრთელობისა და სოციალური დაცვის მინისტრი - დავით სერგეენკო;
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი - სოზარ სუბარი.
მთავრობის შემადგენლობისადმი ნდობის გამოცხადების პროცედურა პარლამენტში გუშინ დაიწყო.