ადამიანის უფლებათა დაცვის კომიტეტის თავმჯდომარის მოადგილე, საპარლამენტო უმრავლესობის წევრი გედევან ფოფხაძე 17 მაისის აქციასთან დაკავშირებით აცხადებს, რომ ამ დღეს „ვისაც როგორ უნდა, ისე აღნიშნავს“.

„ვერავინ დაგვაბრალებს მაგ საკითხთან დაკავშირებით შეურიგებლობის პოზიციას. რაიმე თარიღის აღნიშვნა-არაღნიშვნა კომიტეტის პრეროგატივა არ არის“,- ასე გამოეხმაურა გედევან ფოფხაძე პარლამენტთან გამართულ აქციას.

მისივე თქმით, ინციდენტის გამო სოფიო კილაძის გადადგომის საფუძველი არ არსებობს.

„თანასწორობის მოძრაობის“ წევრები, რომელთა ორგანიზებითაც სოფო კილაძის გადადგომის მოთხოვნით აქცია იმართებოდა, ადამიანის უფლებათა კომიტეტის სხდომას დაესწრებიან.