საპარლამენტო უმრავლესობის წევრი აკაკი ზოიძე საკონსტიტუციო სასამართლოს გადაწყვეტილებას გამოეხმაურა, რომლის მიხედვითაც, მარიხუანის მოხმარებისთვის ადმინისტრაციული სასჯელი გაუქმდა.
„დღევანდელი გადაწყვეტილების შედეგად დასაჩქარებელია ახალი საკანონმდებლო ნორმები, რომლითაც მარიხუანას მოხმარების მკაცრი რეგლამენტაცია მოხდება:
უნდა აიკრძალოს 21 წლამდე მოხმარება;
საჯარო ღია და დახურულ სივრცეებში მოხმარება;
საჯარო მოხელეებისთვის და მთელ რიგ პროფესიების ადამიანებისათვის (მძღოლი, მემანქანე, ექიმი, მასწავლებელი და ა.შ.) მოხმარება;
მარიხუანას ნებისმიერი ფორმით რეკლამირება და სპონსორობა;
მკაცრად უნდა დაისაჯოს არასრულწლოვნების წახალისება მარიხუანის მოხმარებაზე და ა.შ.“, - განაცხადა ზოიძემ.