logo_geo
ნიკა მელიას, სერგო რატიანსა და აკაკი ბობოხიძეს შორის დაპირისპირება მოხდა
- +

9 იანვარი. 2017. 11:22


 



პარლამენტში, ფრაქცია „ერთიანი ნაციონალური მოძრაობის" სამუშაო ოთახში ფრაქციის წევრებს შორის სიტყვიერი შელაპარაკება მოხდა. ამის შესახებ ინფორმაციას „ინტერპრესნიუსი" ავრცელებს.


სიტყვიერად ერთმანეთს ნიკა მელია, სერგო რატიანი, აკაკი ბობოხიძე დაუპირისპირდნენ. ნიკა მელიამ თანაპარტიელებს განუცხადა, რომ ისინი ბავშვივით უჯერებენ გიგა ბოკერიას. მის ამ სიტყვებს მოჰყვა სიტყვიერი შელაპარაკება.


მხარეებმა ერთმანეთს პარტიის დაშლაში დასდეს ბრალი. ბობოხიძემ ნიკა მელიას მიმართა, რომ მას, რომელსაც ერთი აგური არ დაუდია პარტიის მშენებლობის საქმეში, „მისი წვალებით შექმნილ პარტიას" შლიდა.


სიტყვიერი შელაპარაკება რამდენიმე წუთის განმავლობაში გაგრძელდა. ამ დროისთვის ნიკა მელიამ პარლამენტი დატოვა.


როგორც ცნობილია, ფრაქციის დღეს ჩანიშნული სხდომა, სადაც ფრაქციის თავმჯდომარის, ნიკა მელიას გადაყენების საკითხზე უნდა ემსჯელათ, გადაიდო.




 

big_banner
არქივი