logo_geo
სალომე ზურაბიშვილი დიპლომატიური კორპუსის წარმომადგენლებს შეხვდა
- +

5 ოქტომბერი. 2018. 13:34

 

 

პრეზიდენტობის დამოუკიდებელი კანდიდატი სალომე ზურაბიშვილი  დიპლომატებს შეხვდა. ევროკავშირის წარმომადგენლობის ოფისში დახურულ კარს მიღმა გამართული შეხვედრის შემდეგ პრეზიდენტობის დამოუკიდებელმა კანდიდატმა ჟურნალისტებთან  განაცხადა, რომ შეხვედრაზე საუბარი  წინასაარჩევნო გარემოს შეეხო.

 

„ყველაფერი აინტერესებდათ. მივეცი სრული და დეტალური ინფორმაცია იმ საბჭოთა სტილის კამპანიის შესახებ, რომელიც პირადად, პერსონალურად ჩემ წინააღმდეგ ვითარდება და რომელიც უკვე ყველა ზომას და ზღვარს გადასცდა. წავუკითხე თქვენი გენერალური დირექტორის (ნიკა გვარამია) დღევანდელი პოსტი, რომელიც ძალიან საინტერესოა, და რომელიც არის პირდაპირ მუქარა ყველა იმ ადამიანზე, რომელიც მე რამენაირად დამეხმარება. საჭიროა, რომ ყველამ იცოდეს და მეც გავავრცელო, თუ რას ფიქრობს ერთ-ერთი ჩვენი ტელეარხის გენერალური დირექტორი და როგორ იქცევა საარჩევნო კამპანიის დროს“, - განაცხადა სალომე ზურაბიშვილმა.

 

დახურულ კარს მიღმა შეხვედრა ორ საათზე მეტ ხანს გაგრძელდა.

 

 

big_banner
არქივი