„სახელმწიფო უსაფრთხოების სამსახური მნიშვნელოვან ყურადღებას უთმობს NATO-სთან თანამშრომლობის გაღრმავებას“, - ამის შესახებ სახელმწიფო უსაფრთხოების სამსახურის უფროსის მოადგილე გრიგოლ ლილუაშვილმა სამი კომიტეტის გაერთიანებულ სხდომაზე სუს-ის 2018 წლის საქმიანობის ანგარიშის წარდგენისას განაცხადა.

„2018 წლის განმავლობაში, გასული წლების მსგავსად უსაფრთხოების სამსახური აქტიურად მონაწილეობდა NATO-საქართველოს არსებითი პაკეტის ინპლემენტაციის პროცესში და წლიური ეროვნული პროგრამის ფარგლებში განხორციელებულ აქტივობებში“, - განაცხადა ლილუაშვილმა.