„რამდენიმე საათში გვექნება საერთო სურათი და ვნახავთ, იქნება თუ არა საჭირო მეორე ტური. თუმცა იმ მონაცემებით, რაც ჩვენ მოგვდის საარჩევნო უბნებიდან, ყველა ოლქში ლიდერობს ჩვენი კანდიდატი“, – ამის შესახებ საქართველოს პირველ არხს პარტია „ქართული ოცნება – დემოკრატიული საქართველოს“ გენერალურმა მდივანმა, კახა კალაძემ განუცხადა.
მისივე თქმით, თუ რომელიმე ოლქში იქნება მეორე ტური, მმართველი გუნდი ამაშიც ვერ ხედავს პრობლემას.
„ესეც დემოკრატიის ნაწილია. საკმაოდ მაღალი, 50-პროცენტიანი ბარიერი არჩევნებზე სწორედ ჩვენმა ხელისუფლებამ შემოიღო და ეს წინ გადადგმული ნაბიჯია“, – განაცხადა კახა კალაძემ.